Parte Dahuluk

ISTÓRIA KONA-BA ORIJEN NARAN LIKUSAEN
Iha parte ida ne'e, sei haktuir istória kona-ba orijen naran Likusaen. Iha istória versaun tolu kona-ba orijen naran Likusean ne'e. Versaun dahuluk haktuir katak naran Likusaen ne'e mai hosi SAMEA FOHO RAI BOOT no ULAR DRAGAUN (NAGA) SAMA KOKO, versaun daruak haktuir katak naran Likusaen ne'e mai hosi MAKIKIT NIA KNUK ka iha dalen Tokodede temi LIKIKI SAO no versaun datoluk haktuir katak naran Likusaen ka Likisa ne'e mai hosi liafuan Tokodede LIKIS A ne'ebé signifika FILA AN.

Versaun ida kona-ba naran Likusaen mai hosi Samea Foho Rai Boot no Ular Dragaun Sama Koko ne'e koñesidu liu iha parte Súl, hahú hosi Webiku Wehali iha Malaka-Indonésia, Suai Loro, Suai Kamanasa, Suai-Taroman iha Kobalima, Timor-Leste nian, no mós iha Alas-Fatuberliu no Luka-Wekeke, Timor-Leste. Versaun ne'ebé haktuir katak naran Likusaen kait ho Makikit nia Knuk no Fila An ne'e foin mosu bainhira Reinadu Likusaen harii iha parte Tasi-Feto ka Norte depoisde funu Likusaen Wehali ida ikus. 

Mapa iha kraik ne'e hatudu katak iha tinan 1911, naran Likusaen ne'e sei iha ka seidauk muda ba iha pronúnsia Portugés hanesan "Liquiça", nune'e mós Tokodede "Likisa". 

 

Fonte: Sejarah Timor